Hea we go!
We didn’t see any pīpī foa she who loves dem, so we wen take dis photo.
Along da rivah. Which one? Cannot tell u cuz dis one mystery road trip. Hee hee.
Anodda rivah shot. Interesting kine flag da kine.
We wen follow dis rivah long time…
Den we wen begin to see some color changes… finally!
And we wen leave da dry, bare ground and go up into one forested area. Was so good to see forests and da changing colors.
Ho da fass speed limit! When was da lass time I wen drive dis fass? Well, maybe five miles an hour ova. But dat’s it!
Den moa water.
We wen stop in dis one town foa gas… had all kine sculptures lidis around.
Dunno if u can read dis sign, but says “Bridge may be icy”. Nomo ice, at least not now!
I love aspen trees. I mean, on a scale of 1-10, they’re a 75. Usetabee Nolemana and I would holoholo ka‘a to Tahoe during October juss foa see dem. I miss dem, so was glad to see dese ones, even doe far away. Good ting we get camera, cuz I gotta keep my eyes on da road!
Going have one steep upgrade ahead! Glad we’re not a truck! Dat’s too slow! Dis wen last foa miles.
Oh, and I should tell u dis, too. See my poor, worn-out spinner da kine? Right now we stay hoping it going last till we get home. Da poor thing stay all faded, and da strips flying behind stay so much moa short den when was new.
We still stay climbing!
Da road narrows foa construction, and now we stay above da timberline.
Da weather stay great!
And we wen see anodda train!!
And dese craggy cliffs. Awesome, yeah?
Anden dis lovely view foa She Who Loves Pīpī. Dis view was so nani was hard foa keep my mind on my driving. And try look da snow ova dea!
Part Two tomorrow.