Sorry foa da lapse, but we been getting to bed ‘way past midnight, and ho da tired! But dis going start da journey wit alla photos.
One of da first exciting tings along da way was dis train. I wen honk my horn at da engineer and wen wave out da window, and he wen blast da horn in return. Ho da loud!!! But was so much fun to connect lidat.
On da journey, we wen go down dis long, long grade. Try look da mileage we stay getting!
Hea one photo of da landscape along da way.
Along da road, we wen see one historical marker and wen drive into dis place and wen come across dis wonderful bridge. Had one creek running down below it. We love stuffs lidis.
Dis trip stay really special to me, because we going go visit one auntie I neva see long time. No can wait foa see her on dis numbah one day on da road.