Today’s post is brought to you in memory of Xannie and Makanani… I miss you, girls.

Together mau loa, friends mau loa. Forever.

K’den. Pau seeing our special friends, we wen get back on da road again. It wen stretch out in front of us foa miles and miles.

We wen see some goats right by da highway.

Anden more road out in front of us. I was enjoying alla wide open spaces to da max. Nolemana like take nappie, but I wen tell him, “Eh brah, u gotta take da photos anden!” He wen get some beauties on dis trip.

Still get growing stuffs, even in October.

Shaka da cliffs, yeah?

Get hay all stacked ‘way back ova dea.

Alla cornstalks stay dry.

Hui! One rivah!!

Was nani dis rivah, flowing by in da middo of da desert-like place. Everytime we wen see ranches and farms, dey stay near one rivah lidis.

Dat’s it foa Day 6. Da next post going be Day 7, when we stay on da final leg of our holoholo Auntie dem befoa coming home. Stay tuned!