Nolemana and I going take one mystery road trip. No mystery to us but. I going try post every day during da six days we going be gone wit a few photos and stuffs about what we stay seeing along da way. Oni ting? I not going tell u wea we stay till we holoholo ka‘a back home. Heh heh. We stay going leave on Saturday. We could be going mauka, makai, moa mauka, oa less mauka. Oa we could go ’round and ’round and ’round. So all my chree readahs can try guess wea we stay each day.
When we get back home, den I going show plenny photos and tell u wea we wen go. Have fun guessing!