Tonight I wen go out onto da deck; alla pua stay blooming so nani and I wanted foa take photos. Yesterday I wen start dis grief class, and ho da intense! So tonight I like just relax wit alla pua and bring some beauty into my sadness.
Ke Akua wen gimme one surprise out dea in da evening light. Try look!
Ho da nani, yeah?
Da red stay so red! Dat’s Nolemana ova dea watering everything while I take photos.
U know, hibiscus blossoms no last reeyo long. But tonight I got to experience alla beauty of dis one.
I even wen take one macro.
Tonight I was feeling almost like I was back home wit da soft makani blowing down from da Ko‘olaus, and it shua helped wit da sadness. I going put da photo in my grief journal dat I wen start lass night.
In da wintah our dining room stay full of da tropical plants; is kinda crowded, but seeing dis hibiscus bloom makes it all worthwhile!