North! We stay heading North! Now it feels like we really stay going home; home to da green, da clear skies, da country.

We wen turn onto I-505; not going be green foa long time yet, but at least we stay going UP! We wen see dis awesome mega-field of sunflowers… sorry foa da blurry, but u get da idea.

Aloha ‘oe brown, bare hills. Even Musubi stay tiyad of dem.

Wat’s dat in front of us? One truck ovaflowing wit tomatoes!! I wish I coulda kakaroached some of dem! Oh yeah. Aloha ‘oe California produce…

Try look alla dems!

Even had anodda truck up da road.

Could dis be rice paddies? Somebody wen tell me gettum along hea.

Could be, yeah?

Nani da green, no mattah wat dey are.

I think dese trees are olive trees?

Had some pipi foa AFK! Hugs, sistah!

Moa olive trees. I think.

Just afta dis, in Willows, we wen stop at dis nani rest stop. Da place stay full of pepper trees, and I loved taking photos of da interesting trunks. Dis stay one of da nicest rest stops… plenny lawn area, clean lua.

Kewl, yeah?

Interesting da trunks…

We wen leave da rest stop when pau holoholo [walking around] to stretch our legs. We wen see dis truck; no could help taking one photo of it.

We wen cross da Sacramento Rivah.

Dis is by Jelly’s Ferry Road. Crazy kine name, yeah?

And now we stay near Anderson, beginning to climb.

Hills near Anderson.

Try look dis!! Gotta look close, but looks like one mining da kine up dea. No tell anybody, but Nolemana stay on da phone, so I wen take dis photo. No problem, right? I was da drivah!

K’den. Pau dis chaptah. Next time we get up to Lake Shasta. Mahalo foa holoholo ka‘a wit us!