Ho, I wen get so caught up at da Farmer’s Market, and we still dea! Nah nah… hea da rest of da photos from dea.

Dis vendor had purple carrots too, and some snap peas. Now dem I can get hea in Oregon!

Try look!!

Moa broccoli and cauliflowah:

I forget wat dis was…

And try look dese salad greens! Get pua [flowers] in da mix!

Nani, yeah?

I thought was so pretty all dis togedda. But adunno if I like eat pua! I remembah small kid time when Keoki wen eat da hibiscus blossoms in our yard!

I love all dese colors! I wen take da photo even doe I know can get dis kine in Oregon…

Good thing us nomo room cuz I woulda bought out da whole market!

Had all kine mushrooms… da big Portobello ones almost all sold out!

And had so many pua nani!

We get all kine pua nani up hea, but I no could resist taking photos of alla color!

And moa artichokes!!

But check out wat stay right behind dem! U like see?

Almost dea.. but first try look dis lemon bush.

Oh my gosh! Dis vendor had da most nani orchids!! I like get one of each!

I wen get busy wit my macro lens.

Da smaller orchids was only $7.00 apiece. Da big ones was about $30.00 I think.

I think I wen get a litto macro crazy. But no can help!

I loved dis one.

And dis one too.

Oh yeah, and dis one too.

Oh, and guess wat? Dis one too!

I stay really pleased wit dis photo.

Well, I kinda like dis one too. Tee hee.

Nani dis one too, yeah?

Aftah so much nani-ness, so much variety of da California fruits and veggies, I wen get no small amount of pleasure seeing how expensive da blueberries stay!

Cuz hea in Oregon, I can get one whole pint foa about chree bucks! One entire flat foa about $22.00. So take dat, California abundance and long growing cycle!

In da next chaptah, Nolemana and I stay getting ready foa come home. So stay tuned to see one example of packing ingenuity to da max!

*** Alla stuffs hea on my blog stay copyrighted. Dat means photos, words, typos, hamajangs of any kine. If u kakaroach [steal] um, den I going hunt you down and give you da giant slippah and give u dirty lickens wit um until u promise u nevah going do dat again. And eh, I whack hard! Copyright © 2008. The content on this blog is the sole property of the author. Dat would be ME! ***