So yesterday I wen tell Nolemana, “Eh, let’s go on one picnic dis aftanoon!” So we wen decide on Eagle Fern Park, one cool, shady park in Eagle Creek, about 20 minutes away. We really like dis park cuz is right by da rivah.
We wen park da car right next to da table.
Hea da rivah looking makai.
Looking mauka:
Nolemana wen start da grill, one small Traeger dat I wen get him foa Christmas two years ago. All Traeger grills use wood pellets instead of charcoal.
Nolemana wen light da pellets:
When dey stay burning good, on goes da top foa bring up da temp.
I wen go take anodda photo:
Da burgas on da grill:
Da bugga smokin’ away. Nolemana wen use hickory smoke flava pellets.
Dey stay ready!
I wen take one last photo of da rivah. Den we wen grind, and when da mosquitos wen get bad, we wen leave.
I love Oregon! So nani, so green, so much wadda.
*** Alla stuffs hea on my blog stay copyrighted. Dat means photos, words, typos, hamajangs of any kine. If u kakaroach [steal] um, den I going hunt you down and give you da giant slippah and whack u wit um until u promise u nevah going do dat again. And eh! I whack hard and I get plenny menehunes can track u down. Copyright © 2008. The content on this blog is the sole property of the author. Dat would be ME! ***
A Mānoa Girl's Bloggie 
Looks like NE Oklahoma where DH from. Some places doe in da watah get leeches, suck yo’blood kine slugs. Or get snake, you just gotta be aware & pay attention. LOL