I stay writing dis post wit plenny wai maka, cuz today we wen tell Hinahina, “Aloha ʻoe”. Was hard cuz she no like get sleepy foa long time, so we jass wen talk to her, tell her how spesho she stay, telling her mahalo foa being one shaka hoaloa foa Papa-san, foa coming to us so we could rescue her all dem years ago.
She wen have one good day today; kinda playful, eating good, purring, and feeling moa betta den yestaday. Dat wen make one good memory foa us. And foa her, I tink.
We going miss u like crazy, u sweet pōpoki… try tell ʻUkulele “aloha” from me, k? And Kukui, too.
Kʻden. Pau. Too much wai maka foa see da monitor anymoa. Here she is, looking playful today.