lovehatelovehatelovehatelovehate love my computah. I cannot imagine my life witout it. But dis last week, ho, da buggah wen drive me nuts. Seemed like it had choke menehune insai, each doing deah own ting. My nemesis sweet computah was in da shop chree times dis week. First one ting would get fixed, den anoddah. First my email was all hamajang, den Norton, den internet… but I tell u, I get da bestest guru in da world, and today he wen call me up an tell me dat is all fixed now. Had ukupila junk in deah dat he wen clean out. I get all kine spyware, virus protection, internet security. How all da junk wen get insai? Dunno.
I been able to keep up on email wit my oddah computah dat I use for hana, so at least I could kinda keep up wit all my friends. Oddawise I woulda felt so isolated!
Now my putah stay back home, and is working great. Mahalo James! U da best!